Friday, November 14, 2008

to My Only Son

Dear Miguel,

Anak sana palagi ka lang maayos,masaya na rin kami ng tatay mo kahit di ka yumaman.
Bilang nanay mo wala ng pinakamahalaga kundi ang nanjan ka at maayos.
Sana nga kung magagawa mo lang na magsimba kina pastor Quiboloy,iyon na ang
aking pinakamasayang buhay,ang malaman na ang aking mga anak ay naglilingkod
sa aking Panginoon.I can assure u,you will not regret anak!Marami ka pang pagsisisihan
sa mga bagay-bagay na iyong ginagawa,pero kay Lord,wala kang pagsisisihan anak.

Anak anuman ang kalagayan mo jan,palagi kaming apektado dito.Kung masaya ka
maligaya rin kami dito.Kung may problem ka jan,doble ang effect sa amin dito.
Halos di ko makaya kapag may problema ka jan,mabigat sa loob,wala rin kaming
gana dito ng tatay mo.Sana anak ito nalang ang itulong mo sa amin,masaya na kami.
Ayusin mo lang anak ang buhay mo,dahil kahit magtagumpay pa ang mga kaptid
mo,bale wala kung mayroon akong anak na di maayos.Sana anak pagbigyan mo
kami ng tatay mo sa kahilingan namin.

Anak kung gusto mo kami pasayahin ng tatay mo,ayusin mo ang buhay mo anak,please!
Wag ka na uminom ng alak dahil masama sa kalusugan,naaapektuhan ang organs natin.
Napakahirap ng may sakit na walang pampagamot,inaapi ng mga hospital,mababa ang tingin.
Masaklap sa isang magulang anak ang makita na nahihirapan ang anak,tapos wala syang magawa.
Anak wag mo naman balewalain ang lahat ng mga pangaral namin ng tatay mo sa inyong magkakapatid.

Anak nararamdaman ko parang may sakit ako,aaywan ko kung dahil lang sa lungkot,pero
mayroon talaga ako nararamdaman,tinitiis ko lang at gabi-gabi ako dumadalangin.
Kapag may pera ako magpapachek-up din ako,gusto kong antayin si Miggy na maging doctor.
Si cassy doctor din daw,sabi ng mga tita nya.Pag-ipunan mo anak,di na namin kaya ni tatay mo un.
Hanggang pangarap nalang ako anak,pero masaya ako dahil kay Lord.Di ako natatakot mawala ako
basta maayos lang kau na aking iiwanan.Mula ng mawala si ate tina,nagumpisa narin akong maghanda
anak.Di ako natatakot,kung maaari sana wag muna ngayon,gusto ko talagang antayin sina Miggy at Cassy.
Pero kung di maiiwasan,ok lang ako.

Miguel,ito lang hihilingin ko,ayusin mo anak ang buhay mo,masaya na ako at5 ang tatay mo.
Pansamantala lang ang dulot na ligaya ng pera,pero ang dulot na ligaya ng Lord,walang
kapantay!Walang maliw na kapayapaan,walang katumbas na bagay!Ang lahat ay pansamantala lang
kahit makmtan mo lahat ng kayamanan ng buong mundo,nonsense parin.Ituwid mo ang buhay
mo anak at sigurado ako makakamtan mo ang kapayapaan.Wag kang mainggit sa mga taong may pera
di ako naniniwala na maligaya cla,Lord lang ang pinaggagalingan ng totoong ligaya,at real contentment!
Maniwala ka sa akin anak,di kita lolokohin,alam ng Lord kung gaano ko kayo kamahal na aking mga anak.
Kung mayroon kang gustong pagsikapan anak,ang makamtan mo sana ang favor ng makpangyarihang diyos.
Sa pamamagitan ng iyong pagbabalik loob,patatawarin ka nya at cgurdo ako na makakamit mo ang kapayapaan.

Hangang dito muna anak ko,kung may time ka email ka rin sa akin anak,miss na kita,your my only son
at mahal kita anak ko.Nagsisisi ako sa lahat ng kasalanan ko sa pagpapalaki ko sa iyo,mahal lang kita kaya kita
pinagbigyan sa lahat ng gusto mo anak.patawarin mo ako anak kung naging mapangit akong nanay sa iyo,at sa
mga kapatid mo.Sana anak patawarin mo ako sa lahat lahat ng aking pagkukulang sa iyo.
Kung di mo man nakamit ang mga pangarap mo dahil sa kawalan ko ng karunungan anak.
Gusto ko sana bumawi kay Miggy at Cassy,pero wala na rin yata akong panahon,ikaw nalang
anak ang tumupad sa lahat ng aking failures.

Hanggang sa muli,palagi lang kitang mamahalin Miguel.Kung meron mangaapi sa iyo ilalaban kita
hanggang maipagtanggol kita at manalo tayo.Anak palging ikaw ang laman ng mga dasal ko kay Lord.
kau nina Jackielyn,miggy at cass.Anak,bye-bye na.

will love u always,
nanay

0 comments: